Seirbhís do chustaiméirí

1. Teagmháil ar an nguthán
2. Comhfhreagras scríofa (a bhaineann le tuarascáil éagóra)
3. Comhfhreagras scríofa (nach mbaineann le tuarascáil éagóra)
4. Cuairteoirí san Oifig
5. Seirbhís trí Ghaeilge
6. Comhionannas / Éagsúlacht / Míchumas

7. Gearáin faoi sheirbhís do chustaiméirí
8. Cabhraigh linn cabhrú leat
9. Comhairliúchán agus aiseolas
10. Cá bhfuil tuilleadh eolais le fáil
11. Cá bhfuilimid lonnaithe

Is oifig reachtúil neamhspleách é Coimisinéir na Nochtuithe Cosanta a bunaíodh chun tuarascálacha éagóra a bhainean leis an obair a chur faoi bhráid an chomhlachta chuí chun iad a mheas ar an gcéad ásc agus a fhiosrú. Leagtar síos sa doiciméad seo ár dtiomantas maidir le Seirbhís do Chustaiméirí agus na caighdeáin seirbhísí is féidir leat a bheith ag súil leo nuair a théann tú i dteagmháil linn.

Tá sé mar aidhm againn dea-sheirbhís a sholáthar duit agus cúirtéis agus meas a léiriú. Bímid ag súil go léiróidh tusa cúirtéis agus meas ar ár bhfoireann. Léireoimid meas ar do phríobháideachas agus beimid cúramach leis an eolas a sholáthraíonn tú dúinn. Ní roinnfimid é ach chun freagairt a thabhairt ar do cheist nó ar do thuarascáil éagóra. Bímid ag súil go mbeidh meas agatsa ar phríobháideachas na foirne anseo.

Teagmháil ar an nguthán

Má ghlaonn tú orainn:

Freagróimid go pras
Tabharfaimid ár n-ainm duit nuair a fhreagraímid do ghlaoch
Beimid béasach agus cuideoimid leat
Tabharfaimid freagra iomlán duit ar do cheist
Mura féidir linn é a dhéanamh láithreach, tógfaimid do shonraí agus glaofaimid ar ais ort a luaithe is féidir
Freagróimid ar gach glórphost gan mhoill

Comhfhreagras scríofa (a bhaineann le tuarascáil éagóra)

Má sheolann tú litir, ríomhphost nó ceist ar líne chugainn a bhaineann le tuarascáil éagóra:

Cuirfimid in iúl duit laistigh de 7 lá go bhfuarthas do chomhfhreagras
Cuirfimid do thuarascáil ar aghaidh go dtí an duine forordaithe cuí laistigh de 14 lá
Mura féidir linn do thuarascáil a chur ar aghaidh laistigh de 14 lá, scríobhfaimid chugat agus míneoimid cén fáth.
Scríobhfaimid chugat i dteanga ata soiléir agus seachnóimid téarmaí teicniúla agus téarmaí dlí más féidir

Tá tuilleadh sonraí le fáil faoi conas is féidir tuarascáil éagóra a dhéanamh ar ár suíomh gréasáin. ( [internal-link 285087 | Cad a tharlaíonn nuair a théim i dteagmháil leis an gCoimisinéir ] )

Comhfhreagras scríofa (nach mbaineann le tuarascáil éagóra)

Má sheolann tú litir, ríomhphost nó ceist ar líne chugainn nach bhfuil baint acu le tuarascáil éagóra:

Cuirfimid in iúl duit laistigh de chúig lá oibre go bhfuarthas do chomhfhreagras
Déanfaimid cinnte de go bhfaighidh tú freagra iomlán ar do chomhfhreagras scríofa laistigh de 20 lá oibre
Mura féidir linn freagra iomlán a sholáthar laistigh de 20 lá oibre, scríobhfaimid chugat agus míneoimid cén fáth. Cuirfimid in iúl duit cén uair ar féidir leat a bheith ag súil le freagra iomlán
Tabharfaimid ainm agus sonraí teagmhála duit chomh maith le huimhir thagartha (más cuí)
Scríobhfaimid chugat i dteanga ata soiléir agus seachnóimid téarmaí teicniúla

Cuairteoirí san Oifig

Iarraimid ar gach duine a thugann cuairt orainn go pearsanta coinne a dhéanamh roimh ré. Má thugann tú cuairt orainn

Buailfimid leat ag an am a comhaontaíodh má tá coinne agat
Caithfimid leat le cúitéis, léireoimid meas ar do phríobháideachas agus caithfimid leat ar bhealach cóir
Cuirfimid áiseanna cuí ar fáil le haghaidh cruinnithe
Coimeádfaimid ár n-oifigí poiblí glan agus néata agus déanfaimid cinnte de go gcomhlíonann siad caighdeáin sláinte agus sábháilteachta

Má thugann tú cuairt orainn gan choinne, déanfaimid ár ndícheall freastail ort. D’fhéadfadh sé tarlú nach féidir é seo a dhéanamh, áfach. Mura féidir linn freastail ort, comhaontóimid dáta agus am eile chun bualadh leat.

Seirbhís trí Ghaeilge

Déanfaimid gach iarracht cuidiú leat más mian leat do ghnó a dhéanamh trí Ghaeilge. Áirítear leis seo:

Freagrófar ar chomhfhreagras i nGaeilge más i nGaeilge a fhaightear é
Foilseoimid príomhdoiciméid i nGaeilge agus i mBéarla, ár dTuarascáil Bhliantúil san áireamh
Déanfaimid cinnte de go bhfuil na bileoga eolais a dhírítear ar an bpobal le fáil i nGaeilge agus i mBéarla araon
Beidh an leagan Gaeilge dár suíomh gréasáin cosúil leis an leagan Béarla chomh fada agus is féidir
Comhlíonfaimid ár ndualgais faoi Acht na dTeangacha Oifigiúla mar atá foilsithe ar ár suíomh gréasáin

Comhionannas / Éagsúlacht / Míchumas

Táimid tiomanta déileáil leat gan leithcheal ná dochar
Beidh sé mar aidhm againn ár seirbhísí agus ár n-áiseanna a chur ar fáil chun go mbeidh teacht agat orthu go héasca
Beidh meas againn ar do cheart chun príobháideachta
Tá Oifigeach Rochtana ceaptha againn (mar a éilítear faoin Acht um Míchumas) chun cuidiú le daoine faoi mhíchumas rochtain a fháil ar ár seirbhísí. Is féidir dul i dteagmháil leis an Oifigeach Rochtana trí ríomhphost a chur chuig We have [[email accessofficer@opdc.ie | accessofficer@opdc.ie ] nó trí ghlaoch a chur ar 01 639 5635.
Pléifear an comhionannas agus cearta daonna i ngach gné den obair a dhéanaimid
Agus an Chairt um Sheirbhísí do Chustaiméirí seo á forbairt againn, cíoradh go mion saincheisteanna maidir le leithcheal a dhíothú, an comhionannas a chur chun cinn agus cearta daonna a chosaint, mar atá leagtha síos in alt 42(1)(a)-(c) den Acht fá Choimisiún na hÉireann um Chearta an Duine agus Comhionannas, 2014

Gearáin faoi sheirbhís do chustaiméirí

Má théann rudaí in aimhréidh agus má tá tú míshásta lenár seirbhís do chustaiméirí, inis dúinn é, le do thoil.

Baineann sé seo le seirbhís agus cúram do chustaiméirí agus conas ar dhéileáil an fhoireann leat.

Ar an gcéad dul síos, luaigh é leis an duine a bhfuil tú ag déileáil leis/léi san Oifig, ionas gur féidir linn dul i ngleic leis a luaithe is féidir
Mura bhfuil tú sásta leis an bhfreagairt agus ba mhaith leat gearán foirmiúil a dhéanamh faoi chaighdeán na seirbhíse a fuair tú ón Oifig seo, is féidir leat scríobh chuig an Ard-Stiúrthóir, Elaine Cassidy, trí ríomhphost a chur chuig:
[ privatesec@ombudsman.ie
Tá sé mar aidhm againn a admháil go bhfuarthas a leithéid de ghearáin laistigh de chúig lá oibre, agus déanfaimid iarracht freagra iomlán a sholáthar laistigh de 20 lá oibre

Má tá easaontas ann faoin toradh i do chás, sáródh sé sin scóip an cineál seo gearáin. Tá eolas maidir le conas a théann an Coimisiún i ngleic le tuarascálacha éagóra le fáil inár ndoiciméad Nósanna Imeachta Achomair.

Cabhraigh linn cabhrú leat

Is féidir leat cabhrú linn seirbhís ardchaighdeáin a thabhairt duit:

Inis dúinn conas ar mhaith leat go rachaimis i dteagmháil leat nó má bhaineann sé le hábhar, deimhnigh nár mhaith leat go rachaimis i dteagmháil leat
Cuir sonraí ar fáil den éagóir ábhartha; agus má tá tú den tuairim go bhfuil tú i mbaol go ngearrfar pionós trom ort nó go bhféadfaí fianaise den éagóir ábhartha a cheilt nó a scrios, agus más amhlaidh, an duine a dhéanfadh a leithéid.
Ná cuir isteach doiciméid thacaíochta faoi iamh nuair atá tuarascáil éagóra á sheoladh agat chuig an gCoimisinéir. Má tá tuilleadh eolais ag teastáil ón gCoimisinéir chun a dheimhniú cad é an t-údarás cuí ar chóir dó déileáil leis an tuarascáil, iarrfaidh an Coimisinéir ort an t-eolas sin a sheoladh.
Bíodh meas agat ar ár bhfoireann agus ar ár seirbhís. Tá Polasaí maidir le hIompar Réasúnta againn atá foilsithe againn mar dhoiciméad faoi leith. Leagtar amach cad é a bhfuilimid ag súil le ónár gcustaiméirí nuair a bhíonn siad i dteagmhail lenar n-oifig agus an cineál iompair atá do-ghlactha dúinn.

Comhairliúchán agus aiseolas

Tá suim againn i gcónaí moltaí a chloisteáil faoi conas is féidir linn feabhas a chur ar ár seirbhís. Más maith leat rud éigin a rá nó moladh a dhéanamh, cuir ríomhphost chuig: info@opdc.ie

Cá bhfuil tuilleadh eolais le fáil

Tá sonraí le fáil faoi conas is féidir tuarascáil éagóra a dhéanamh ar ár suíomh gréasáin. Lena chois sin, tá ár nósanna imeachta achomair le fáil ann ina mhínítear na tuarascálacha sin.

Cá bhfuilimid lonnaithe

Tá ár sonraí teagmhála iomlána le fáil ar an leathanach 'Déan Teagmháil linn' inár suíomh gréasáin.

Ríomhphost: info@opdc.ie