Nuacht
Foilsíonn an Coimisinéir um Nochtadh Cosanta a chéad tuarascáil bhliantúil
Ó Coimisinéir um Nochtadh Cosanta
Foilsithe
An t-eolas is déanaí
Ó Coimisinéir um Nochtadh Cosanta
Foilsithe
An t-eolas is déanaí
D’fhoilsigh an Coimisinéir um Nochtadh Cosanta, Ger Deering, tuarascáil inniu ar obair a Oifige le linn a céad bhliana ag déileáil le tuairiscí ar éagóir san ionad oibre.
Bunaíodh Oifig an Choimisinéara um Nochtadh Cosanta i mí Eanáir 2023 faoin Acht um Nochtadh Cosanta (Leasú), 2022. Is é ról na hOifige tuairiscí a fhaigheann sí ar éagóir san ionad oibre (ar a dtugtar ‘sceithireacht’ uaireanta) a chur chuig an eagraíocht is oiriúnaí chun obair leantach a dhéanamh ar an tuairisc, amhail rialtóir don réimse sin. Déileálann Oifig an Uasail Deering freisin le tuairisc ar éagóir san ionad oibre mura bhfuil eagraíocht chuí ann chun déileáil léi.
Fuair an Coimisinéir um Nochtadh Cosanta 283 tuairisc i 2023 ó oibrithe agus ó dhaoine eile ag líomhain éagóir san ionad oibre. Le linn 2023 seoladh 267 de na tuairiscí chuig na heagraíochtaí ab oiriúnaí chun déileáil leis na líomhaintí, agus dhéileáil Oifig an Choimisinéara le 14 de na tuairiscí í féin. (Bhí dhá thuairiscí le réiteach ag deireadh 2023 a seoladh chuig eagraíocht chuí i mí Eanáir 2024.)
Dúirt an Coimisinéir um Nochtadh Cosanta Ger Deering, atá ina Ombudsman agus ina Choimisinéir Faisnéise freisin:
“Tá sé tábhachtach go dtabharfaidh eagraíochtaí aird ar thuairiscí ar éagóir. Ba cheart a mheas gur uirlis thábhachtach iad tuairiscí den sórt sin maidir le dea-rialachas corparáideach, agus chun éagóir a shainaithint agus a stopadh.”
Tá Tuarascáil Bhliantúil an Choimisinéara um Nochtadh Cosanta 2023 ar fáil ag www.opdc.ie
CRÍOCH
Nóta do na hEagarthóirí
Tábhachtach: Maidir leis na táblaí atá leagtha amach ar leathanach 15 den tuarascáil bhliantúil (‘Na 5 dhuine is airde a tharchuir an OPDC tuairiscí chucu’) ní gá go léiríonn na figiúirí tuairiscí nó éagóir san eagraíocht sin. Ina ionad sin, léiríonn sé an eagraíocht is oiriúnaí chun déileáil leis an líomhain éagóra, mar shampla iad siúd a bhfuil ról rialála acu sa réimse sin.
Bunaíodh Oifig an Choimisinéara um Nochtadh Cosanta faoin Acht um Nochtadh Cosanta (Leasú), 2022. Forálann an tAcht gurb é an tOmbudsman (Ger Deering faoi láthair) a bheidh ina Choimisinéir um Nochtadh Cosanta. Chuir an Oifig tús le hoibríochtaí an 1 Eanáir 2023. Is é ról an Choimisinéara um Nochtadh Costanta tuairiscí ar éagóir san ionad oibre (a fhaightear ó oibrí, ó Aire Rialtais, nó ó ‘dhuine forordaithe’ mar rialtóir), a chur chuig an eagraíocht is oiriúnaí chun obair leantach a dhéanamh ar an tuairisc de réir an Achta.
I gcúinsí áirithe, breithneoidh an Coimisinéir tuairisc ar éagóir agus déanfaidh sé obair leantach uirthi mura bhfuil aon eagraíocht chuí eile ann.
Mar sin, féadfaidh duine ar mian leis/léi nochtadh cosanta a dhéanamh dul i dteagmháil lena fhostóir/fostóir, le hAire Rialtais, nó le ‘duine forordaithe’ ar nós an Choimisiúin um Chaidreamh san Áit Oibre nó HIQA. Mura bhfuil siad cinnte cá háit le dul, is féidir leo dul i dteagmháil freisin leis an gCoimisinéir um Nochtadh Cosanta a chuirfidh é chuig an duine is oiriúnaí chun déileáil leis.