Faisnéis eagraíochta
Teagmhas Cibearshlándála: Do Cheisteanna
Ó Coimisinéir um Nochtadh Cosanta
Foilsithe
An t-eolas is déanaí
Ó Coimisinéir um Nochtadh Cosanta
Foilsithe
An t-eolas is déanaí
Nóta: Tá an leathanach seo á nuashonrú go leanúnach chun an t-eolas is déanaí a léiriú. Foilsíodh an leathanach seo den chéad uair an 17 Nollaig 2025, agus rinneadh é a nuashonrú an 19 Nollaig, an 22 Nollaig, an 6 Eanáir agus an 19 Eanáir.
C. Cad a tharla?
Ar an Déardaoin 11 Nollaig 2025 rinneadh ionsaí cibearshlándála randamach ar chuid dár gcórais TF.
Mar réamhchúram, cuireadh roinnt córas as líne i dtús báire chun an bhagairt a choinneáil faoi smacht fad a bhí an teagmhasá fhiosrú.Mar sin féin tá gach córas ar ais ar líne anois.
C. Ar tógadh mo shonraí?
Bunaithe ar imscrúduithe fairsinge, lena n-áirítear imscrúduithe fóiréinseacha, agus ar an eolas ar fad atá ar fáil dúinn faoi láthair, táimid muiníneach nár tógadh aon sonraí pearsanta. Tá sé mar phríomhthosaíocht againn leanúint ar aghaidh ag cosaint sonraí pearsanta daoine.
C. Cad iad na bearta a glacadh chun mo chuid sonraí a chosaint?
Nuair a tháinig muid ar an eolas faoin teagmhas, ba é ár bpríomhthosaíocht sonraí na ndaoine a bhraitheann ar sheirbhísí Oifig an Choimisinéara um Nochtadh Cosanta a chosaint agus seirbhísí a athbhunú go sábháilte.
Chuir an Lárionad Náisiúnta Cibearshlándála (NCSC) a phlean freagartha teagmhais i ngníomh agus chuir sé faireachán feabhsaithe i bhfeidhm chun tacú le hOifig an Choimisinéara um Nochtadh Cosanta.
Cuireadh an teagmhas in iúl freisin chuig an gCoimisinéir um Chosaint Sonraí agus chuig An Garda Síochána.
Táimid muiníneach anois nár tógadh aon sonraí pearsanta. Mar sin féin, ag céim luath, fuarthas urghaire ón Ard-Chúirt a chuir cosc ar aon fhoilsiú sonraí.
Chun treoir ghinearálta maidir le cosaint sonraí a fháil, féach ar shuíomh gréasáin an Choimisiúin um Chosaint Sonraí . Le haghaidh comhairle ghinearálta maidir le cibearshlándáil, féach ar shuíomh gréasáin an Lárionaid NáisiúntaCibearshlándála . Maidir le ceisteanna a bhaineann le cosaint sonraí an Ombudsman, féach ar ár bhFógra Príobháideachais .
C. Cad iad na seirbhísí atá buailte?
Mar thoradh ar an ionsaí seo, níl an córas bainistíochta cásanna leictreonach a bhí á úsáid againn chun ár gcuid oibre a chur i gcrích ar fáil a thuilleadh. Mar sin féin, tá próisis mhalartacha curtha i bhfeidhm againn chun cásanna a bhainistiú go slán agus tá gnáthsheirbhís athbhunaithe go hiomlán anois.
C. An bhfuil rochtain ag na hionsaitheoirí ar an gcóras TF faoi láthair?
Ní hea. Nuair a aimsíodh an teagmhas daingníodh ár gcóras TF chun a chinntiú nach raibh rochtain ag na hionsaitheoirí a thuilleadh.
C. Rinne mé tuairisc faoin Acht um Nochtadh Cosanta, cad is gá dom a dhéanamh?
Má rinne tú tuairisc chuig an Oifig seo, gheobhaidh tú admháil ar do thuairisc laistigh de sheacht lá. De ghnáth, tá dualgas orainn tuarascálacha a chur ar aghaidh chuig an gcomhlacht is oiriúnaí laistigh de cheithre lá dhéag. I gcúinsí áirithe, bíonn orainn an tréimhse ama sin a fhadú. Más gá dúinn an tréimhse ama chun do thuairisc a mheas a fhadú, cuirfear ar an eolas tú. Nuair a bheidh do thuairisc curtha ar aghaidh, cuirfear ar an eolas tú. Níl gá teagmháil a dhéanamh linn ag an gcéim seo.
Ba mhaith liom tuairisc a dhéanamh faoin Acht um Nochtadh Cosanta, an bhfuil an tseirbhís seo ar fáil?
Tá, leanaimid orainn ag glacadh le tuarascálacha trínár gcóras ríomhphoist slán. Mar a luaitear thuas, d’fhéadfadh sé go mbeadh gá againn an tréimhse ama chun do thuairisc a mheas a fhadú sula bhféadfaimid í a chur ar aghaidh chuig an bhfaighteoir is oiriúnaí. Más amhlaidh atá, mar a luaitear thuas, cuirfimid ar an eolas thú.